उपक्रम
व्यक्तिमत्व विकासाचे उपक्रम
वसतिगृहातील चाकोरीबद्ध दिनचर्येचा कंटाळा येऊ नये म्हणून पुढील प्रमाणे विविध आनंददायी उपक्रमांचे नियोजन / आयोजन केले जाते.
दैनंदिन व्यायाम :-
मुलांच्या सुदृढ व निरोगी आरोग्यासाठी दररोज सकाळी सूर्यनमस्कार, योगासने, व व्यायाम प्रकार घेतले जातात.
उंट स्वारी व घोडेस्वारी :-
प्रत्येक सत्रात सुमारे दोन वेळा उपलब्धते नुसार मुलांना उंट व घोडेस्वारीचा आनंद घेता येतो. यात घोडेस्वारीचे कौशल्य शिकवणे हा उद्देश नसतो.
विविध कलागुणदर्शन :-
मुलांच्या अंगी असणाऱ्या विविध सुप्त कलागुणांना वाव देण्यासाठी प्रत्येक सत्रात किमान एकदा या कार्यक्रमाचे आयोजन केले जाते. त्याचे सर्व नियोजन केवळ मुलेच करतात.
मुलांमधील निकोप स्पर्धात्मकतेला चालना देण्यासाठी स्पर्धात्मक उपक्रम उपयुक्त ठरतात. या दृष्टीने वसतीगृह प्रशासनाद्वारे अनेक स्पर्धा घेतल्या जातात. उदा समूहगीत स्पर्धा, मनोरे, रस्सीखेच, क्रॉसकंट्री, निसर्गोपचार उपक्रम इ.
निसर्गाच्या सहवासात राहून, मुक्तपणे खेळून-बागडून, वनभोजनाचा आस्वाद घेणे या उद्देशाने वर्षातून दोन वेळेस या उपक्रमाचे आयोजन केले जाते.
विविध सण व उत्सव :-
भारतीय संस्कृती ही उत्सवप्रिय आहे. वसतिगृहात राहणाऱ्या मुलांना आपली संस्कृतीतील विविध सणांचे महत्व व मूल्य समजावून सांगण्याच्या हेतूने अनेक सण व उत्सव पारंपारिक पद्धतीने साजरे केले जातात. उदा. गोकुळ अष्टमी, पोळा, विजया दशमी, होळी व धुलीवंदन, इ.
गटश: संवाद :-
निवासी मुले व त्यांचे पालकत्व असणारे त्यांचे पर्यवेक्षक दादा यांच्यातील नाते अधिक आपुलकीचे व्हावे, तसेच मुलांच्या अडी-अडचणी समजून घ्याव्यात, त्यांना आधाराचा हात मिळावा या हेतूने नियमितपणे पर्यवेक्षक दादा व त्यांच्या गटातील मुलांचा साप्ताहिक गटश: संवाद होत असतो.
मुलांमध्ये शिस्त व स्वावलंबनाचे मूल्य रुजावे यासाठी वरील उपक्रम घेतला जातो. या वेळी मुलेच संपूर्ण दिवसभर वसतिगृहाच्या सर्व प्रकारच्या जबाबदाऱ्या सांभाळतात.
मुलांना विविध कामे जबाबदारीने करण्याची सवय लागावी यासाठी विविध जबाबदाऱ्यांचे वाटप केले जाते. यात प्रामुख्याने स्वच्छता प्रमुख, वीज प्रमुख, भोजन प्रमुख इ.
