खेळ

हे शाळेचे एक महत्त्वाचे वैशिष्ट्य आहे. या पथकात वंशी (Flute), आनक (Side Drum), पणव (Drum), शंख( Bugle), गोमुख (Eumphonium), नागांक (Sexaphone), तुर्य (Trumpet), इत्यादी वाद्य वादनाचे प्रशिक्षण दिले जाते. त्याचप्रमाणे वाद्यवृंदाचा पथसंचलन सराव घेतला जातो. दिल्ली येथे 2018 मध्ये झालेल्या राष्ट्रीय स्पर्धेत शाळेच्या घोष पथकाने पश्चिम क्षेत्राचे प्रतिनिधित्व केले होते.

आजच्या स्पर्धात्मक युगात आपल्या कौशल्याच्या बळावर यशस्वी होण्याचे प्रत्येक खेळाडूपुढे आव्हान असते. हि आव्हाने पेलण्यासाठी तसेच मुलांमधील स्पर्धात्मकतेला प्रेरणा मिळावी यासाठी शाळेचे संघ विविध स्पर्धांमध्ये सहभागी होतात. प्रमुख्याने शालेय शिक्षण व क्रीडा विभागातर्फे आयोजित फुटबॉल, हॉलीबॉल,ॲथलेटिक्स, योगासन व कुस्ती या खेळां च्या स्पर्धांमध्ये सहभाग नोंदवला जातो. याशिवाय विद्याभारतीच्या खेलकूद स्पर्धांमध्ये जसे तिरंदाजी, कबड्डी, फुटबॉल, ॲथलेटिक्स, बुद्धिबळ, योगासने इत्यादी मध्ये सहभाग घेतला जातो.

दर एक वर्षाआड डिसेंबर महिन्यात सांघिक व वैयक्तिक क्रीडा प्रकारांचे शालेय स्तरावरच भव्य आयोजन केले जाते. या साप्ताहिक क्रीडा महोत्सवात वयोगट व वजन गटानुसार क्रीडा स्पर्धा घेतल्या जातात प्रत्येक दिवशी शुभारंभ व पदक वितरण सोहळ्यासाठी क्रीडा क्षेत्रातील नामवंत खेळाडूंना आमंत्रित केले जाते. सुसज्ज क्रीडा कक्ष: शाळेच्या क्रीडा विभागासाठी स्वतंत्र क्रीडा प्रमुखांची नियुक्तीकेली असून प्रमुखांच्या देखरेखीखाली सर्व क्रीडाविषयक नियोजनाची आखणी व अंमलबजावणी केली जाते. विविध क्रीडा प्रकारांना लागणाऱ्या निरनिराळ्या साधनांनी शाळेचा क्रीडा कक्ष सुसज्ज करण्यात आला आहे.

या क्रीडा प्रकारात शाळेच्या मुलांचे विशेष नैपुण्य असून विभाग व राज्यस्तरावर मुलांनी चमकदार कामगिरी केलेली आहे. रथसप्तमी निमित्त “सूर्य कुंभ” ही सूर्यनमस्कार स्पर्धा आयोजित केली जाते. दिनांक 21 जून रोजी योग दिनाच्या निमित्ताने योगासन स्पर्धेचे आयोजन केले जाते.