सुविधा

सुरक्षेच्या दृष्टीने वसतिगृह व वसतिगृह परिसरात सी. सी. टी. व्ही. कॅमे-याद्वारे निगराणी ठेवली जाते. वसतिगृह गेटवर २४ तास सुरक्षा रक्षकांची उपस्थिती असते.

आठवड्यातून दोन दिवस तज्ञ डॉक्टरांची वसतिगृहास भेट असते. प्रथमोपचार करू शकणारे प्रशिक्षित प्रथमोपचार तज्ज्ञ पर्यवेक्षक दादा आहेत. वर्षातून दोन वेळा संपूर्ण आरोग्य तपासणी केली जाते. यावेळी वजन, उंची इ. आरोग्य विषयक बाबींची नोंद केली जाते. आणीबाणीच्या प्रसंगी अथवा रुग्णालयात जाण्यासाठी स्वतंत्र रुग्णवाहिकेची व्यवस्था आहे. आजारी मुलांसाठी वेगळा ४ कॉटचा रुग्णनिवास तयार केला आहे. आवश्यकते नुसार विद्यार्थ्यांना तज्ञ डॉ. मार्फत आरोग्य विषयक मार्गदर्शन केले जाते.

पालकांना आपल्या पाल्याशी बोलण्यासाठी आठवड्यातून एकदा ठरलेल्या दिवशी व ठरलेल्या वेळी दूरध्वनीद्वारे संपर्क साधता येतो.

मुलांच्या दैनंदिन गरजेच्या विविध वस्तू उपलब्ध करून देण्यासाठी स्वतंत्र विविध वस्तू भांडार सुविधा आहे. यात शालेय साहित्य तसेच साबण, पेस्ट तेल इ. वस्तू उपलब्ध करून दिल्या जातात.

ज्या मुलांना स्वतःचे कपडे धुण्यात अडचण आहे त्यांच्यासाठी स्वतंत्र परंतु सशुल्क धुलाई व्यवस्था केली जाते. या व्यवस्थेचा लाभ घेणे पालकांच्या इच्छेवर अवलंबून आहे.

मंगलमय ध्यान सभागृह.
पिण्याच्या पाण्यासाठी शुद्ध पेयजल यंत्राची व्यवस्था.
उन्हाळ्यात शीत पेयजल यंत्राची सुविधा.
दोन स्वतंत्र वीज जनित्राची सुविधा. (छोटे व मोठे)
ज्ञान व मनोरंजनासाठी एल.ई.डी. टी. व्ही. ची सुविधा.
स्वतंत्र केशकर्तनालयाची सुविधा.
प्रत्येक मजल्यावर सुसज्ज स्वच्छतागृह व आंघोळीसाठी गरम पाण्याची सोय.