भोजन विभाग

मुलांना दररोज सकाळी ७.४५ वाजता नाश्ता दिला जातो . आठवड्यात प्रत्येक दिवशी वेगळा नाश्ता असतो. नाश्त्यामध्ये उपमा, पोहे, शिरा, मिसळ, सुशिला, बाजरी खिचडी, ईडली सांबर, पराठे, चित्रान्न, वडा सांबर ढोकळा, दाबेली, सामोसा, साबुदाणा खिचडी, नुडल्स, दहीवडा इ. पदार्थांचा समावेश असतो.

मुलांना दुपारच्या भोजनात दोन भाज्या, वरण, भात, पोळी, चटणी, सलाद/कोशिंबीर, तूप, ताक याप्रमाणे आहार दिला जातो . दुपारच्या भोजनामध्ये एक रस्सा भाजी असते तर दुसरी सुकी भाजी असते. आठवड्यातून दोन वेळेस पालेभाजी दिली जाते. रात्रीच्या भोजनात एक भाजी, पोळी, वरण, भात, चटणी, तूप याप्रमाणे आहार असतो, महिन्यातून बदल म्हणून कधी पिठल भाकरी, वरणफळ, पावभाजी, पराठे चटणी, खिचडी कढी, दाळबट्टी, रगडा पेटीस, भेळ इ. वेगळ्या प्रकारचे भोजन दिले जाते.

महिन्यातून दोन वेळेस मिष्टान्न भोजन देण्यात येते. तसेच आपल्या भारतीय सणानुसार मिष्टान्न पदार्थचे नियोजन केले जाते. मिष्टान्नामध्ये जिलेबी, गुलाबजामून, इमरती, बालुशाही, पुरणपोळी, गाजर हलवा, श्रीखंड बासुंदी, मोतीचूर लाडू, बेसन बर्फी इ. प्रकारचे मिष्टान्न पदार्थ मुलांना दिले जातात.